Rabu, 06 Januari 2010

OMPU TUAN SUMAR SILO

gelar : Pangasa Gogo

Simatorasna : RAJA NAUBANON SILO
Parsonduk bolon : Boru Lumbantoruan

Siminikna :
1.Ompu Sairu Silo
2.Sitambok Nabegu Silo
3.Raja Silampuiang Silo (br. Hutabarat)
4.Boruna :
1.(?) muli tu Lewar Gedang Sibargot, Garoga
Sarurutna :
1.Raja Banua Silo
2.Mangasa Raja Silo

Torsa :
Ompu Tuan Sumar sorang jala magodang di Huta Lobu. Nunga marpinompari Raja Banua dohot Mangasa Raja asa sorang Ompu Tuan Sumar (i do umbahen dang diboto na adong anggina Ompu Tuan Sumar).
Dung ma ro maporus pomparan ni Raja Banua dohot Mangasa Raja tu Pangaribuan, tipak ma i tu Huta Lobu, diboto ma naung diporang marga Lumbantoruan nasida di Baringin, di palao sian luat i, tarrimas do ompu i, borhat ma nasida sian Huta Lobu tu Baringin laho mamorang angka marga Lumbantoruan dohot pomparan ni Tuan Sorba Dibanua, alai dang di si be angka na ginoaranna i na mamusa angka Siregar i.
Di tingki i, poso do pe ompu i, hira hira 16 taon dope umurna. I do na laho ompu i tu Sibaragas, ala adong do di si nagogo sian marga Lumbantoruan i, jala boru ni raja i do diluahon gabe parsondukbolonna.

Panigation : aha do ulaning parpadanan ni ompu i tu marga Lumbantoruan ?
Sian na menek dopena, lobi hurang 9 taon, nunga adong hagogoon mian.
Dung doli doli hira hira 16 taon umurna, di namamolus sian luat Sibaragas, huta ni Lumbantoruan, marsiujian ma dohot sahalak nagogo (Datu Parulas ?). Adong ma podang ni ompu i, i ma dibahen manghaliangi luat i, gabe mabiar ma jolma ruar sian bagasna be. Diida ompu i ma boru ni nagogo i, dirampus ma i sian simatorasna, diboan, didok laho asa diajari alana ginjang rohana. Laos si boru i ma gabe parsonduk bolonna dibahen, gabe ma nasida.
Ala ni namasa i, tubu ma hassit ni roha di marga Lumbantoruan (nagogo i), alana dang raja dibahen boruna i, gabe ditonggohon ma sada padan "na so jadi marsaor tu pomparan ni ompu i margana!"

Tonggo di ari tula (05071993)
"Nunga huida jala nunga hubereng sude namasa i, pangidoanmi, jala angka pomparanhi, padan nabinehen nasida (Lumbantoruan) i, sai ma i. Asa jadi ma marsaor marsidompahan bohi hita dohot Lumbantoruan i !"