Ompu Si Bosi Si Dalu Sormin

(Raja Parbarita)

(Ompu Laban, 5 siminikna : 1. Op. Tiurna, 2. Si Bosi si Dalu, 3. Op. Mangala, 4. Op. Paima, 5. Josep)



Sian huta hatubuan ditogihon anggina ingkon mulak tu huta na pinukka ni ompuna i

Dang sibotoon, dang siingotan, dang sidohonon

Sian sada dolok habang lali
habang tu inganan
Manggora sai manggora
Adong ma sada tung mansai uli pambahenanna
Adong ma sandok hata, dang mambahen uli
Sada ma hatana
pitu hata ma alusna

Godang do siboan na ias
Godang do siboan las ni roha
Godang do siboan ias ni roha
Godang do siboan hatiuron
Godang, ima bahat
Bahat do hata
bahat do pangidoan
... hagabeon do tarida uju i, alai dang tarida


Dolok na timbo dolok panatapan
Bona pasogit huta hatubuan
siboan na denggan
siboan las ni roha
siboan hadameon
.... Olo iba mangula nasa poda


Hau na tubu di dolok panatapan i
di tingki hundul di si do manatap
angka sipingkiran na tung borat situtu....mago do i

Habang sada Hulis hulis di ginjang, ditatap, sai ditatap
dang sian pamotoan, Hulis hulis i mangalehon sada podang
dang pintor dibuat,
dirimangi,
sai dirimangi,
Boasa songon i ?

Mataniari na binsar,
dungi nangkok, sahat ma hos ni ari
tarida ma muse potang,
dungi tarida ma holom,
jala marulak ma muse binsar mataniari
.... marragam do siboluson


Mardalan ma aek sian dolok na timbo, sahat ma tu sada rura. songon dia ma aek i ?
.... adong na tompu (doras), adong na naget manang lambat.

Sai mardalan,
sai mardalan,
sai mardalan,
sai mardalan,
sahat ma aek i tu sada rura !
.... ingkon adong sabam ni roha

Sian dolok na timbo dolok panatapan
mardalan ma sada aek,
sai mardalan,
sai mardalan ?
.... ganjang do siboluson nang sidalanan, molo sai ni luluan jumpang do i, molo ni harikhothon jumpang/sashat do i.

Mardalan ma sada aek,
sahat ma i tu rura i.
.... Ikkon do patimboon parrohaon, na jinalahan, na ni luluan, asa adong pos ni roha, ias ni roha, panganjuon, hatiuron, adong ma muse PANGIDOAN !

Sian sada mual na tio dibahen ma bulu
dibahen ma sada pansur
molo adong ulaon
unang ma binahen holan bulus ni roha sambing
.... ias roha, ias pikkiran. roha dohot pikkiran ingkon sadalan. Molo holan pikkiran tiur, roha sai ponjot, dang adong lapatan ni i.

Simalolong do marnida,
simangido do manjalo,
Simanjojak do mangalakkahon,
Hata do sibahen na saut.