Datu Raja Datu Nasangap Silo

Simatorasna : Ama Tuan Dihorbo
Parsonduk bolon : Boru Hutagaol + Boru Pasaribu

Siminikna :
1.Raja Naubanon Silo/Sidangol dangol. (Boru Lumbantoruan I+II)
2.Op Sijambe Ulubalang Silo
Sarurutna : Raja Parosangosang Saharbangan Silo

Sian uju i sian Pansinaran sahat tu Parbuttian. Di Parbuttian, parsirangan, jonok ma i tu Angkola. Ilu do parsirangan i, dang ala ni parsalisian.
Martungkot do uju i, jala marulos sibolang do raja i. Marsirang ma nasida asa dapot uli dohot hasangapon. Nagabe do nasida nadua, alai tong do mulak songon ompungna i, "sigodang roha, najogal alai nabisuk, namalo alai naoto, sai hatana do nadumenggan, alai dang olo umbege hata".

Dung ma sahat Ompu i Datu Raja Nasangap dohot sarurutna i Ompu Parosangosang Saharbangan di luat Pangaribuan, ditatap nasida luat i, maringan di si, alai dirimangi nasida nadua, hurang do parngoluon molo rap nasida na dua di si dohot pomparanna, ala ni i, martahi ma nasida nadua, marsirang ma nasida, ditorushon Ompu Parosangosang Saharbangan dohot pomparanna ma tu Angkola.
Marsirang nasida dang alan ni parsalisian, alai dibagasan dame dohot lungun ni roha, laho manjalahi ampapaga naumlomak, manjalahi hamoraon, hagabeon, dohot hasangapon

Ia pe dung di luat Pangaribuan ompu i maringan, alai, ianggo nasida sai na mulak mulak do tu Bona pasogitna, tano Muara, jala laos di si do nasida monding dohot di si do hinamborna dibahen.

Tona :
Bahen hamu ma rohamuna songon bagas na pinajongjong, togu do i.
Ingkon marpos ni roha do, unang mabiar mangulahon ulaonna.

Sise do mula ni hata, hata do mula ni uhum.

Muli ma Hulis hulis tu ingananna
Muli ma namanginsir tu ingananna
Sungkun ma na laho sungkunonmu
Dok ma na laho sidohononmu.