Di ari Selasa 26 April 2022 pinamasa do ulaon pamasumasuon dohot unjuk (dialap jual) pardongan saripeon ni borunami Annette Sinar Nova Sormin S.Sos dohot oroanna Kevin Van Samdos Sipangkar, S.H.
Ia ulaon i ima pamasumasuon dipatupa di HKBP Tarutung Kota jala ulaon unjuk dialaman ni paranak di Gedung Serbaguna Tarutung, Jln. Raja Saul Lumbantobing, diadopi akka sisolhot, mariaia do sude situan natorop mangolophon.
 |
| Hami dohot ianakhon, parumaen, & pahoppu dunghon Pamasumasuon |
Ia hami simatorasna, ima G. Sormin, S.E / R. Manalu (+) / S.R. Hutauruk, S.E, M.M , ia helanami ima tubu siahaan ni laenami R. Sipangkar, S.E / H.V. Lumbanbatu, S.Pd sian Jl. Balige/ Panaharan Parbaju Julu, Tarutung.
 |
| Ulaon Martumpol |
Andorang so sahat tu ulaon pamasumasuon, ia ulaon Martumpol dipamasa do di HKBP Tarutung Kota di ari Jumat 22 April 2022 jala dunghon sikkop ulaon i niudutan ma muse sadari i ulaon marhatasinamot di "Horas House" na niadopan ni akka sisolhot.
 |
| Hela Kevin Sipangkar dohot boru Annette Sormin |
Anggiat ma gabe Ripe Nauli jala sitiruon boru dohot helanami on di ari mangihut na gabe boi sipaihutihuton.
Tidak ada komentar:
Posting Komentar