Ujung Taon 2015

Molo nirimangan do parngoluon di taon 2015 on, siala naung diujung taon ma i tikkion, bahat ma na gabe siingoton dibagasanna.

Ditaon 2015 on, adong do i si las ni roha jala adong do i  arsak ni roha,  alai nilapatan do i gabe ruji ruji ni golu na ingkon si boluson saleleng mangolu di portibi on.

Anggiat ma attong akka naung salpu i mambahen tu pos ni roha mandalani taon nanaeng ro, taon 2016, jala mamboan akka si las ni roha do pe.

Dibagasan ate ate dohot roha, anggiat ma hahipason tongtong mian dinatuatua i, Op. Sondang doli/boru, naung bagas bilang bilang ni ngoluna, marumur lobi 78 taon.  Laos songon i ma attong hami ianakhonna ganup tongtong marhahipason, ia pe ibotonomi dibagasan parsahiton do pe sahat ro di tingki on.

Ditaon on marpungu do hami  dohot siminiknami ima Steven, Ida Yohana, Annette, Bernadine, Yiska dohot Rafael, (ianggo siminiknami, buhabajunami, Giovanni dang boi tikkina marpungu rap dohot hami siala ni akka ulaonna)  jala nitahi do mangebati natuatuanami tu Bona Pasogit, Pagaran Dolok, Lumban Sormin, Pangaribuan, Tapanuli Utara, Sumatera Utara, Indonesia.

Dohonon nami ma tu hita ganup :

 

HORAS NATAL 25 DESEMBER 2015 

JALA 

HORAS TAON NA IMBARU 01 JANUARI 2016 

Dibagasan taon on, dunghon bagas tikki, nunga 14 taon lelengna, pajumpang do dohot borunami, GITA NURANI MARIA, ilu do natarida, alai las ni roha do nidokna.

Tubu do parniaeon ni pamatang di borunami Ida Yohana Sormin, ima Batu Ginjal, pola do dibahen pangubotaion tu ibana marhite Laser 2x, alai dang haru hattus do pe parniaean na i, ikkon do pe dilaser 1x nai.  Jala pandohan ni DATU (=dokter), adong muse do parniaean di JANTUNG-na, didok ikkon ma nian dipatupa CINCIN tu jantung i, asa boi denggan marhosa jala denggan padalan mudar di pamatangna.

Dibagasan tikki i adong muse ma na masa tu ianakhonnami GIOVANNI, mangalap boru do ibana, boru sileban sian SENDEN BOYOLALI, MARGOAR ARUM CAHYANINGSIH, alai dang dope jnanghon na masa i, alana dang dos pikkiran tu namasa i, boru SILOM do nasida, jala dang marhite adat na masa di sihabatahon namasa i.  lungun do roha.