Parmonding ni Ibotonami Emelia Sormin

Ibotonami Emelia Sormin (57) na marhamulian tu laenami L. Manalu marujung ngolu di Tarutung, ari Jumat 24 Januari 2020, jala disuanhon ari Minggu 26 Januari 2020 di Desa Aekraja Kec. Parmonangan.
Ia pomparan ni ibotonami on 2 boru, 2 bawa. 
Ia siminina boru, ima :
1.  Elvriyanti marhamulian tu berenami Sinaga sian Tinjowan Kisaran, nunga gabean, sada bawa (efraim Sinaga)
2. Candra marhamulian tu berenami Jawa sian Jawa, nunga gabean, 3.
Ia siminikna baowa dang marhasohotan dopena, ima :
1. Gilbert Manalu, dohot
2. Yogi Manalu
Ibotonami on ditikki hahipasonna mangula di pamaretta do, ima Guru
- Gr. SMP Sw. RK Santa Maria Tarutung/Aekraja
- Gr. SMP N 1 Arse Tapsel
- Gr. SMP N 2 Tarutung.
Ala ni parniaeon di pamatangna, pensiun PNS do ibotonami on andorang so ditikkina

Adat Pangolion Nion Sormin

Tipak di tikkina, di ari 28 September 2019 marhasohotan ma anak ni haha nami F. Sormin/Y. br Rajagukguk

DAUPA SAMUEL SORMIN

dohot oroanna

FRETTI ROMIAN AMBARITA

di 

Gereja Katolik Stasi St. Paulus - Martona P. Siantar

Partuaon Saurmatua Riste Pakpahan (Op. Sondang boru)

Di ari Rabu 7 Pebruari 2018 marujung ngolu do simatorasnami, ima RISTE PAKPAHAN manang Op. Fudji Dizthia Sondang Roberta Sormin boru di RSUD Tarutung,  jala nitaruhon do tu udean di ari Sabtu 10 Pebruari 2018 di porlak bagasan di Huta Pagaran Dolok rappak dohot simatoras doli nami, mangihuthon ugama Katholik jala adat na hombar tu partuaon saurmatua.

Partuaon Saurmatua R.H. Sormin-Op. Sondang

Di ari Senin 30 Oktober 2017 marujung ngolu do simatorasnami, ima RAHIM HILARIUS SORMIN manang Op. Fudji Dizthia Sondang Roberta Sormin doli di bagasna di Huta Pagaran Dolok, Desa Lumban Sormin, Kecamatan Pangaribuan Kabupaten Tapanuli Utara,  jala nitaruhon do tu udean di ari Jumat 03 Nopember 2017 di porlak bagasan di Huta Pagaran Dolok songon naung tinonahonna hian tu hami pomparanna mangihuthon ugama Katholik jala adat na hombar tu partuaon saurmatua.

Manatap tu Haulion Ro

Bakko do i, olo do tompu dibagasan akka panghation tubu akka tahi di akka na martinodohon, na sarurut, laho mangulahon sada-sada ulaon.

Tona ni Simatoras

Di ari Minggu 26 Desember 2016, marpungu do hami dibagas ni simatorasnami R. H.  Sormin/R. Br. Pakpahan di huta Pagaran Dolok,  Desa Lumban Sormin,  Kecamatan Pangaribuan,  Kabupaten Tapanuli Utara,  Provinsi Sumatera Utara, rap martangiang tipak ari rea natal.

Natal 2016