Jujur Ngolu Ferry Sormin

RIWAYAT HIDUP/JUJUR NGOLU

NI DAMANG NAUNG MARUJUNG NGOLUON

Ferry Fritzen Sormin (Op.Ias Doli )

Sattabi godang ma diloloan nahuparsangapi hami, dihamu amang raja inang soripada, tarlumobima disude rajani Hula-hulanami, ro di sude na ro mangkaholongi hami. Saonari jahahonon nami ma jujur ngolu ni damang naung jumolo dialap Tuhanta on.

Tubu ma damang on diari  02 Pebruari 1959 di Pangaribuan. Dibaen ma goar ni damang on : Ferry Fritzen Sormin. Ia damang on ima pinompar ni ompung nami nahinan; Rahim Sormin dohot ompung boru nami Riste br.Pakpahan (Op.Sondang) sian Huta Pagaran Dolok Lumban Sormin Pangaribuan Tapanuli Utara.

Ia pinompar ni oppung nami nahinan ima :

1.    Ama nami on Ferry Fritzen Sormin parsonduk bolonna Yuniar  br Rajagukguk , Spd boru ni raja i (+) B.T Rajagukguk /  (+) R. Pasaribu dian Lubuk Pakam;

2.    Bapa Uda nami Giotto Sormin parsonduk bolonna S br Hutauruk boru ni raja i (+) M. Hutauruk/ br Simanungkalit sian Sipoholon, maringanan di Tarutung

3.    Bapa Uda nami Rudi Sormin parsonduk bolona D. Aritonang boru ni raja i Aritonang sian Lampung, maringanan di Palangkaraya

4.    Bapa Uda nami Totha Sormin parsonduk bolona HL. Harianja boru ni raja I Harianja sian Harianja, maringanan di Pangaribuan

5.    Namboru nami (+) Emelia br Sormin marhamulian tu amangboru nami L. Manalu sian Aekraja, maringanan di Tarutung

6.    Namboru nami Yasintha br Sormin marhamulian tu amangboru nami L. Lingga sian Sidikalang, maringanan di Pangaribuan

7.    Namboru nami Agnes br Sormin marhamulian tu amangboru nami H. Siahaaan sian Langsa, maringanan di Rantauparapat

Pendidikan Ni Damang On :

Tamat ma damang on sian SD Negeri Lumban Sormin Pangaribuan taon 1971,

SMP N 2  di Tarutung , taon 1974

SMA Negeri 101 Tarutung, taon 1977.

Kuliah S1-Hukum di Universitas Islam Sumatera Utara Medan, taon 1979,

Kuliah S2 Hukum di Universitas Lambung Mangkurat Banjarmasin, taon 2013.

05 Desember 1986 marhasohotan ma damang on tu dainang nami Yuniar. Br Rajagukguk boru ni rajai Rajagukguk/ber Pasaribu sian Lubuk Pakam. Di basa-basahon Tuhanta do Anak dohot Boru :

1. Fujidisthia Sondang Roberta Sormin, SH , MH (Nai Gabriella) marhasohotan ma tu laenami Jhoni Fredi Hutapea anak ni  amangboru nami M. Hutapea/namboru nami M. Br Siagian sian Banjarmasin. Nunga marhagabeon sada boru

2. Daniel Nikolas Haposan Sormin, Amd (Ama Ias) parsonduk bolonna Wita br Sihotang, Amd mangalap boru ni raja i J. Sihotang/(+)D. Simbolon Sian Tanjung Balai. Nunga gabe sada bawa Ias Dio Rafael Sormin , 1 boru Ivana br Sormin

3. Daupa Samuel Nion Hasian Sormin,SE. MM parsonduk bolonna Fretty Romian Aknesia br Ambarita mangalap boru ni raja i B. Ambarita/O. Br. Simangunsong sian Pematangsiantar, managam nauli na denggan tu ari mangihut.

Pungu ma hami pinompar ni Damang on 9 halak, ima :

Anak 2, Boru 1, Parumaen 2, Hela 1, Pahomppu sian Anak 2, Pahomppu sian Boru 1.

Taon 1988 Damang nami on mulaulaon di pamarenta di Mahkamah Agung sahat tu na marujung ngolu jala dang pensiun dope, marpiga luat diingani parkarejoanna ima di PN Padang Sidempuan, PN Sibolga, PN Sidikalang, PN Pematangsiantar, PN Karawang, PN Painan, PN Tanjung Balai, PN Bangko, PN Medan, parpudi sahali diangkat ma damang on gabe Hakim Tinggi di PT Bengkulu alai dang sanga diulaon ala parsahittonna. Pangkat parpudi ama nami on Pembina Utama Madya (4D).

Amang Raja dohot Inang Soripada di taon 2019 lam moru do hahipason pardagingon ni damang on siala ni i huboan hami tu medan laho perawatan kesehatan na, di bulan November 2019.

1 Desember 2019 huboan hami damang on tu Guangzhou (China) , 

11 Januari 2020 huboan hami muse Damang on tu Guangzhou (China) menjalani perawatan intensif .

(ala ni namasa di partikkian, sebaran Virus Corona-19 dang boi be huuduti hami perobatan tu Guangzou)

09 Pebruari 2020 huboan hami ma Damang on tu Penang, hasil pemeriksaan mamboan las ni roha, pengobatan sian Guangzou Cina Stadium 4 turun gabe 3b, jala dilehon dokter do pos ni roha tu hami na boi dope ditangani sahit ni damang on, jala disakkapi do pengobatan di Penang ari 17 Maret 2020.

Siala ni sebaran Virus Corona-19 di Malaysia dang boi hu uduti nami parubatan tu Penang, ditanggal 14 Maret 2020 hu boan hami ma ama nami on  tu RS Murni Teguh,  alai lam gale ma pardagingon ni Damang on. Dang sakkap ni jolma na saut hape ikkon sakkap ni Tuhanta do tu ganup hita Jolma, dialap Tuhanta ma Damang on, marujung ngolu di 17 Maret 2020, pukul 22.20 WIB, rippun pungu Hami pomparanna manangianghon Amanami on.

Amang raja inang soripada,

mansai bahat do poda dohot hata nauli na denggan na dipasahat Damang nauli lagu on tu Hami Pinomparna. Benget situtu do Damang on di tingki parsahitonna. Marbinege ma Amanta DEBATA Namartua anggiat ditangihon taniang dohot pangidoan ni Ama Nami on, asa tung anggiat sahat pasu-pasu tu hami pinomparna maningganlhon tua dohot sangap.

Songoni do riwayat hidup manang Jujur Ngolu ni Damang Na Huhaholongi Hami On, anggiat ma di pinading ni Damang on, Hami Pinompar na mandapot pasu-pasu na sian Tuhanta Pardenggan Basa i. Sai Anggiat ma damang on dijalo Tuhan Pardenggan Basa I Di Lombung Na, Ima Surgo Hasonangan Saleleng Ni Leleng Na.

Amang raja inang soripada,

Molo pe di tingki parngoluan ni Damang Nami on adong pambahenan na hurang tu angka Amang dohot Inang Soripada, Hami Sian Pomparanna mangido maaf ma tu hamu, nang songoni do atik adong utang piutang ni Damang nami on tu Damang dohot Inang Soripada, rade do hami manggarar dohot manjalosa.

Marpangidoan do hami tu hamu loloan natorop, asa boan hamu hami dibagasan tangiangmuna tarlumobi ianongnami namabalu asa marsabam niroha hami jala tumibu tarapul hami sian sidangolon name on.

Tuhanta Debata Na Martua I ma mangaramoti hita saluhutna.

Selamat jalan ma di Damang,anggiat ma di jalo Tuhanta damang di lombungNa di surgo hasonangan saleleng ni leleng nai.

*MAULIATE*

(Dijahahon G. Sormin/Ama Surya)